Blog

RSS
  • Sr. Chinarro estivo en Ferrol

    9 Mar 2009, 12:01

    O venres achegámonos ao Auditorio da Fundación Caixa Galicia en Ferrol para ver a actuación de Sr. Chinarro dentro do ciclo Vangardas Sonoras e aínda que tivo algúns puntos baixos prestounos bastante o concerto.

    Sr. Chinarro abreu o concerto so coa súa guitarra e El Alfabeto Morse e, para o resto do concerto uníronselle un baixo e un violonchelo, ao parecer era a primeira vez que tocaba con esa formación (aínda que entre risas dixo que non que xa tocaran xuntos hai 4 anos pero con batería) pero soaron moi ben especialmente os detalles que aportaba o violoncello.

    Como pedía o recinto o repertorio encheuse de cancións mais tranquilas, case todas de Ronroneado aínda que caeron algunha xoia anterior como Pico Veleta ou Quiromántico.

    O público estivo tranquilo ate Del montón onde algúns empezaron a dar palmas ¡e qué palmas! mi madriña non vin cousa mais arrítmica dende a discoteca Dona Dana de Touro un venres de Luar.

    O tipo do violoncello (Master) tentou marcar un pouco o ritmo pero a xente seguía ao seu, algún cando se oíu a si mesmo parou pero houbo valentes que continuaron e mesmo repetiron a xogada posteriormente (cada vez mais sós) con Tímidos ou Gitana. A verdade é que a Antonio Luque fíxolle gracia a escena e despois do primeira sesión de palmas fixo algún comentario de que quedara unha versión un pouco reggetón, ou que tiña unha teoría sobre os galegos e as palmas pero que polo menos tiñamos uns pastos moi verdes :).

    Eu tiña unha amiga de Málaga que dicía que os galegos non dabamos palmas, que os galegos aplaudíamos. Como todo haberá casos e casos pero o que oíu o sevillano o venres non creo que axude moito á nosa causa.

    Outro punto negativo do concerto foi monitor do baixo (o ampli que está orientado ao grupo para que eles se escoiten) que durante todo o concerto estivo facendo ruídos raro chegando a exasperar o baixista (Comander) e o propio Luque, que retratou o seu enfado con dúas analoxías ben atinadas: primeiro falou de que vaia a cidade que vaia na oficina no Seur de turno sempre hai unha radio mal sintonizado con un zumbido permanente ¿e que non hai ninguén na empresa que saiba sintonizala ben? pois así se sentía Luque cos técnicos de son.

    Tamén falou das carreiras de Los Autos Locos: da igual que quedes primerio, a ninguén lle importa. Así está a escena de concertos española.

    Pero non quero deixar a impresión de que o concerto foi un desastre, o concerto estivo ben e os músicos que o acompañaban eran uns fenómenos ademais o recinto era ideal para un acústico.Tamén é de agradecer que os organizadores elixiran Ferrol para o concerto.

    O evento rematou outra vez con Chinarro e a súa guitarra tocando Los Ángeles, e despois retirouse entre aplausos. Unha pena que non houbera o disco para mercar.

    A ver se se repite a experiencia e a fundación trae mais actuacións.

    Se queredes comentar algo podedes visitar a entrada en A Píntega.
  • Por fin novas canción!!

    27 Ago 2008, 9:15

    Sab 23 Ago – Los Tigres del Cañotas

    Novo concerto dos Los Tigres del Cañotas onde non se esperaban sorpresas pero chegaron a tocar ata SETE cancións novas.

    Quédome coa que abriu o concerto a do negro e a canción de amor entre dous gardas civís, a ver se gravan disco que a xente está impaciente.

    E para rematar jam sesión con gaita na que se escoitou un hibrido de muiñeira con Another Brick in the Wall (Part 2).
  • O tag Galiza e o tag galego

    23 Abr 2007, 12:30

    É hora de usar as posibilidades que nos da last.fm para saber o que se está a cocer musicalmente en Galicia e para facelo podemos usar os tags, e logo así podemos escoitar a radio de eses tags e ter unha emisora galega.

    Eu uso o tag para os grupos galegos (canten no idioma que canten) e o tag para os que canten en galego. Se un grupo só ten algunha canción en galego so tageo esas cancións como e se unha canción é especialmente significativa para Galicia (Galicia Canibal, Miña terra Galega, Ferrol, ..) póñolle o tag .

    E xa de paso se tedes amigos en grupos galegos non estaría de mais que lles comentárades a posibilidade se subir a súa discografía a last.fm: non estaría mal que poideramos escoitar a The Homens, Malandromeda (e Fodi & Barbaconna), Ruxe Ruxe, Lamatumbá ou Mistakens na radio, máximo cando algúns destes artistas teñen colgado o seu traballo na rede.

    E polo amor de Deus: o que tageou a Mago de Oz como Galiza, que recapacite...